በቤንሻንጉል በተፈጠረ ግጭት የበርካታ ሰዎች ህይወት አለፈ

FB_IMG_1536070842707በቤንሻንጉል በተፈጠረ ግጭት የበርካታ ሰዎች ህይወት አለፈ

በቤንሻንጉል ጉሙዝ ክልል በተፈጠረ ግጭት የበርካታ ሰዎች ህይወት አለፈ።

አሶሳ በግጭቱ ከ 10 በላይ የቤንሻንጉል ሰዎችና የኦሮሞ ተወላጆች መሞታቸው ታውቋል።

ግጭቱ የተፈጠረው በቤንሻንጉል ጉሙዝ ክልል አሶሳ ዞን ኦዳ ቤልዲግ ወረዳ ደላቲ ከተማ መሆኑም ታውቋል።

በቤንሻንጉል ጉሙዝ ክልል በተፈጠረው ግጭት በአካባቢው ይኖሩ የነበሩ ሰዎች ህይወት ማለፉ ተነግሯል። ከዚህ በተጨማሪም ቁጥራቸው ያልታወቁ ሰዎች ከቀላል እስከ ከባድ የአካል ጉዳት ደርሶባቸው በመንዲ ሆስፒታል ህክምና እየተከታተሉ ይገኛሉ ተብሏል።

የኦሮሚያ ክልላዊ መንግስት ባወጣው መግለጫም ከቤንሻንጉል ጉሙዝ ክልላዊ መንግስት ጋር በመሆን የግጭቱን መንስኤ በማጣራት አጥፊዎችን ለህግ ለማቅረብ እየሰራ ነው።

በአሁኑ ወቅትም የፀጥታ አካላት እና ከአካባቢው ነዋሪዎች ጋር በመሆን ሁኔታውን ለማረጋጋት እየሰሩ መሆናቸውም ታውቋል።

የኦሮሚያ ክልላዊ መንግስት በክልሉም ይሁን በሌላ አካባቢ የሚኖሩ ሰዎች እንዲረጋጉ አሳስቧል።

የቤንሻንጉል የሰብአዊ መብት ተከራካሪዎች እንደገለጹት የኦሮሞ ነጻነት ግንባር/ኦነግ/

ታጣቂዎች በአሶሳ ዞን ኦዳ ቤልዲግ ወረዳ ደላቲ ከተማ ገብተው በርካታ ነዋሪዎችን ገድለዋል። የኦሮሞ ነጻነት ግንባር ግን በጉዳዩ ላይ እስካሁን የሰጠው መግለጫ የለም።

Advertisements

Leave a Reply

This site uses Akismet to reduce spam. Learn how your comment data is processed.