ኢትዮጵያ ሳተላይት ልታመጥቅ ነው

ኢትዮጵያ ሳተላይት ልታመጥቅ ነው፡፡

ኢትዮጵያ በቀጣዩ የፈረንጆቹ ዓመት የመጀመሪያዋን ሳተላይት ወደ ህዋ እንደምታመጥቅ የኢትዮጵያ ስፔስ ሳይንስና ቴክኖሎጂ ኢንስቲትዩት አስታወቀ፡፡

ኢንስቲትዩቱ ሳተላይት ወደ ህዋ ለማምጠቅ የሚያስችለውን ዓለም አቀፋዊ ፈቃድ ማግኘቱን አስታውቋል፡፡

የኢንስቲትዩቱ ዳይሬክተር ዶክተር ሰለሞን በላይ እንደገለጹት የኢትዮጵያ እና ቻይና መሀንዲሶች በጋራ በመሆን ወደ ህዋ የምትመጥቀውን ሳተላይት የመገንባት ተግባርን እያገባደዱ ነው፡፡

ሳተላይት ማምጠቅ የሚያስችል ዓለምአቀፋዊ ፈቃድ እና የሶስተኛ ወገን ኢንሹራንስ ምዝገባ መጠናቀቁን ገልጸዋል፡፡

እንደ አውሮፓውያን አቆጣጠር ጥቅምት 15 ቀን 2019 ኢትዮጵያ የመጀመሪያዋን ሳተላይት ወደ ህዋ እንደምታመጥቅ ለኢዜአ ተናግረዋል፡፡

70 ኪሎ ግራም የምትመዝነው ሳተላይቷ፤ለግብርና ፣ለውሃ፣ለማዕድን፣ለከተማ ልማት እና ለአየር ንብረት ቁጥጥርና ክትትል መረጃዎችን የማቀበል ስራ ታከናውናለች፡፡

ሳተላይቷ ኢትዮጵያን በአራት ቀናት፤ዓለምን ደግሞ በ54 ቀናት በመዞር ስራዋን ታከናውናለች፡፡
በ2009 ዓ.ም በተካሄደው 1ኛው የኢትዮጵያ ስፔስ ሳይንስና ቴክኖሎጂ ምክር ቤት ጉባኤ ኢትዮጵያ ከሁለት ዓመት በኋላ ሳተላይት ወደ ህዋ እንደምታመጥቅ መገለጹ ይታወሳል፡፡

Advertisements

Leave a Reply

This site uses Akismet to reduce spam. Learn how your comment data is processed.