መንታ መንገድ ክፍል 13

መንታ መንገድ
ክፍል አስራሶስት

.
.
ሀያት ከተመረቀች በኋላ ቤተሰቦቿም የሰርጉን ነገር
ቀድመዉ አናግረዉኝ ስለነበር የዝግጅቱ ጥድፊያ ዉስጥ
ገባን። አዳራሽ መከራየት ፣ ለጊዜዉ የምንኖርበት ቤት
መከራየት ፣ የቤት እቃ መገዛዛት ኧረ ስንቱ ተዘርዝሮ
ይቻላል? ጣጣዉ ብዙ ነዉ። ደስ የሚለዉ የቤት ዕቃ
መገዛዛቱን ኢስራዕ እና መርየም ከኢማን ጋር ሆነዉ
አገዙን። እኔ ቆንጆ ቤት አግኝቼ ተከራይቻለሁ። የእናቴን
ፀባይ ስለማዉቀዉ ከሀያት ጋር ብቻችንን እንድንኖር
ፈለግኩ እንጂ እናቴ ከሷ ጋር እንድኖር ጠይቃኝ ነበር።
ሰዒዶ የአዳራሹን ነገር ጨርሷል። የአክስቴ ልጆችም
በጣም አግዘዉኛል። በተለይ ኢማን የሷ ሰርግ ነበር
የሚመስለዉ። ብቻ ዋና ዋናዉን ጨርሰን የጥሪ ስራዎችን
ምናምን መስራት ጀመርን። የሰርግ ጣጣ ግን ብዙ ነዉ።
ከምር እንደዉም ቢቀር ያስብላል። ቀለል ያለ ድግስ
ቢሆን ይሻል ነበር።
.
ከብዙ ዉጥረት በኋላ የሰርጉ ቀን ደረሰ። ይገርማል አባዬ
ኒካህ ላይ ተገኝቶ ለሰርጉ ሳይደርስ ሞተ። አንደኛ ሚዜዬ
ሰዒድ ነዉ። ሁለተኛናሶስተኛ ሚዜዎቼ የአጎቴ ልጆች
ናቸዉ።
በሚዜዎቼ ታጅቤ ሀያትን በወጉ ከቤቷ ወሰድኳት። ሀዩ
ቬሎ አምሮባታል አይገልፀዉም። አዳራሹ ሰርጋችንን
ለማድመቅ በመጡ እድምተኞች ደምቋል። የሙሽራዉ ቦታ
ላይ ከሚዜዎቼ ጋር ተቀምጬ ሰውን አየሁት!
ይበላል፤ይጠጣል። በጣም ደስ አለኝ። በየአንዳንዷ ጉርሻ
ዉስጥ ሀያትን ላይመኝ ማጣቱንና የኔ መሆኗን አብሮ
የሚዉጥ መሰለኝ።
.
የሰርጉ ቀን ማታ ከሀዩዬ ጋር ሆቴል ነበር ያደርነዉ። ልክ
ክፍላችን እንደገባን ሁለታችንም ትንሽ ደከም ብሎን
ስለነበር ገላችንን ታጠብን። ትንሽ ቀለል አለን። እራት
በልተን ከጨረስን በኋላ ከሀዩ ጋር የፍቅር ጨዋታዉ
ተጀመረ። እየተሳሳምን ልብሷን ቀስ ብዬ አወለቅኩትና
በጡት ማስያዣናበፓንት ብቻ አስቀረኋት። ዉበቷ
ሊያቀልጠኝ ምንም አልቀረዉም። በጣም ታምራለች።
ገላዋ ዉብ ነዉ። ዛሬ ለኔ ብቻ የተገለጠ፣ ማንም ያላየዉ
ገላ! ልብሴን በዚህ ፍጥነት ማዉለቅ እንደምችል
እስከዚህች ቅፅበት ድረስ አላዉቅም ነበር። ሀዩ
እንደዛሬዋ ቀን የጓጓችለት ቀን ያለ አይመስለኝም።
አልጋዉ ላይ ተጋድመን መሳሳም ጀመርን። የተቀደሰ
መሳሳም! ትዳር ነዉና መልዓክት ሳይቀር በደስታ ሳይዘምሩ
አይቀሩም። ስሜቴ በጣም እየጋለ መጣ። እራሴን
መቆጣጠር ከበደኝ። ሳላስበዉ ሀዩን በጥፊ መታኋት እና
የጡት ማስያዣዋን ከሰዉነቷ ላይ ገንጥዬ አነሳሁት። ሀዩ
በጣም ደንግጣለች ግን ከስሬ ሁና የማደርገዉን ታያለች።
ለመነሳት አልሞከረችም። እዛዉ እንደተንጋለለች በጥፊዬ
ህመም ምክንያት ከአይኗ እንባ እየፈሰሳት የልቤን
አደረስኩ።
.
ሀያትን ምንም ስሜቷን ሳልጠብቅ ነበር የተገናኘኋት።
መረጋጋት ተሳነኝ። ስሜቴ ሲግል በጥፊ የመታኋት ለምን
እንደሆነ አላዉቅም። ግን ከዚህ በፊት ራሄልንም መትቼያት
ነበር። አሁን ትንሽ ግልፅ ሆነልኝ። አልጋ ላይ መረጋጋት
አልችልም። ሀዩን ማየት በጣም አፈርኩ። ተንደርድሬ ወደ
በረንዳዉ ወጣሁ። በረንዳዉ ላይ ያለዉ ዥዋዥዌ ወንበር
ላይ ተቀምጬ ተንሰቅስቄ አለቀስኩ። በምድር ላይ
ያለዉን የደስታ ጥግ ማጣጣም ካለመቻል በላይ ምንም
ህመም ሊኖር አይችልም። የሚስትን ክብር መጠበቅ
ካለመቻልናስሜቷን ለማስተናገድ ብቁ ካለመሆን በላይ
ከባድ መርዶ የለም። ጌታዬ ምነዉ ሀዘኔ በዛ?
.
አልቅሼ ስገባ ሀዩ አልጋዉ ዉስጥ ገብታ ተኝታ ነበር።
ፈገግ ለማለት ሞከረች። እየቀፈፈኝም ቢሆን ከአጠገቧ
ሄጄ ተኛሁ። ደረቴ ላይ ልጥፍ ብላ ተኛች። ደረቴ ላይ
ስትተኛ ብዙም እንዳልተከፋችብኝ በማሰብ በጣም ደስ
አለኝ።
.
በነጋታዉ ከሆቴል ወደ ተከራየነዉ ቤት ሄድን። ማታ ላይም
ስንደግመዉ ስሜቴ ሲግል እጄ ጥፊ መሰንዘሩንና መድፈር
በሚመስል መልኩ መገናኘቴን መተዉ አልቻልኩም።
ሳምንት ሙሉ አየነዉ ፣ ያዉ ነዉ።
በሳምንቱ የስነ ልቦና ባለሙያ አማከርኩኝ። የህይወት
ታሪኬን ሁሉ ከፈተሸ በኋላ ምናልባት የችግሩ መንስኤ
የእናትናአባቴን ድብድብ ሳይ ማደጌ ሊሆን እንደሚችል
ነገረኝ። የአባቴና የእናቴ ፀብ ለኔም ተረፈ? ታዲያ ለምን
ፀባዬ ግንኙነት ስፈፅም ብቻ ይቀየራል? መልስ
አላገኘሁለትም።
.
ሀያት ትምህርቷን እንደመጨረሷ በተማረችበት ሙያ
መስራት ትፈልጋለች። ዩኒቨርሲቲዉ ከፍተኛ ዉጤት ስላላት
መምህር እንድትሆን ሊያስቀራት ፈልጎ የነበረ ቢሆንም
እሷ አልተቀበለችዉም። አሁን አዲስ ሆቴል ከአዲስአበባ
ዉጪ ለመክፈት አቅደናል። ሀጅራ እስክንድር እኔና ሀዩ
ተሰባስበን ከመከርንበት በኋላ ሆቴሉን ራሄል ልንለዉ
ወሰንን። ራሄልን የምናስታዉስበት አንድ ተቋም ይሆነናል
ብለን አስበናል። ለሆቴሉ ግንባታ የኛ ቤተሰብ እና የሀዩ
ቤተሰቦች በአክሲዮን መልክ ከፍተኛዉን መዋጮ አዋጣን።
መሬት የከተማዉ መዉጫ ላይ አገኘን። የህንፃዉም
የዲዛይን ስራ ተጀመረ።
.
ሀያትን በአግባቡ ልገናኛት አለመቻሌ እንደድሮዉ ፈታ ብዬ
እንዳላወራት አደረገኝ። የተገናኘኋት ጠዋት ሀፍረት
ሊዉጠኝ ይደርሳል። ምንም ሳላወራ ቁርሴን በልቼ ወደ
ስራ እሄዳለሁ። ሀያት ግን ስሜቴን ስለተረዳችዉ ፈታ
ልታደርገኝ ትሞክራለች። ጠዋት ወደ ስራ ስሄድ መኪናዬ
ከአይኗ ሳይርቅ ወደ ቤት አትገባም። ልብሴ ሆና
ሚስጥሬን ሸሽጋልኛለች።
.
አንድ ቀን ከሀያት ጋር የሀዩን ወላጆች ለመጠየቅ ወደ
ቤታቸዉ ሄድን። በልተን ፣ጠጥተን ከተጫወትን በኋላ
ልንሄድ ስንል የሀያት አባት ዱኣ ማድረግ ጀመሩ።
ሁላችንም አሚን እንላለን። ከዱአቸዉ በጣም ልቤን
የነካዉ ለሀያት ታናሽ እህት መግፊራ ያደረጉት ፀሎት
ነበር። “እንደ አክረም ያለ እንከን አልባ ባል ስጣት።” ነበር
ያሉት። ሀያትን አየኋት እሷም “አሚን” አለች። ስንት እንከን
እንዳለብኝ እያወቀች አሚን ማለቷ ገረመኝ። ሀዩ ጉድለቴን
እስከመች ትቆቋመዉ ይሆን? እየጎዳኋት እንደሆነ
እየተሰማኝ ነዉ። ሀፍረቴ ጣራ እየነካ ሲመጣ ሀያትን
እንድንፋታ ልጠይቃት ወሰንኩ። ከስራ እንደተመለስኩ
ጭኖቿ ላይ ተኝቼ ፀጉሬን እየደባበሰችኝ “ሀዩ እኔ ከዚህ
በላይ ባልጎዳሽ እና ባትሰቃዪ ደስ ይለኛል። ልፍታሽ?”
አልኳት።
ሀዩ በአጭሩ ምላሹን ሰጠችኝ። ግንባሬን ሳመችና “ከብዙ
ጥረት በኋላ ነዉ ያገኘሁህ። በግንኙነት ከሌላ ሰዉ ጋር
በእርካታ ከመኖር ከአንተ ጋር ዘላለም እንዲህ መኖሩን
እመርጣለሁ። እኔ እታገሳለሁ። አንተ ግን ደግመህ ይሄን
ጥያቄ እንዳትጠይቀኝ!” አለችኝ።
.
ከሀዩ ጋር አብረን መኖር ከጀመርን አምስት ወራት
ተቆጠሩ። ሀዩም አምስት ወር ሙሉ በጥፊ እየተመታች
ክብሯን ባልጠበቀ መልኩ ስገናኛት ችላኝ አለች። ያለፉትን
አምስት ወራት ለሊቱን ተነስቼ ጌታዬ መረጋጋትን
እንዲሰጠኝ ሳልጠይቀዉ ቀርቼ አላዉቅም። ሀዩን
ከተገናኘሁ በኋላ ወደ በረንዳ ሄጄ መንሰቅሰቁ የዘወትር
ተግባሬ ሆኗል። ገንፎዉ ተሰጥቶህ ማንኪያዉን ስትቀማ
በጣም ያሳዝናል!
.
ከሀያት ጋር ስተኛ የሚፈጠረዉን ነገር በተመለከተ ለማንም
አልተናገርኩም ነበር። የመጨረሻ አማራጬ ግን ለሰዒድ
ማማከር ነበር። እሱ መፍትሄ አያጣም።
ሰዒድን ለማማከር በወሰንኩ በነጋታዉ ሰዒድ ወደ ቢሮዬ
የማማክርህ ጉዳይ አለኝ ብሎኝ መጣ።
እንደተቀመጠ “ሰዉየዉ እንደዳርኩህ ልትድረኝ ነዉ!”
አለኝ።
“ሰዒድዬ በአላህ እኛ የቀመስነዉን ደስታ ልትቀምሰዉ
ነዉ?” አልኩ የተደሰትኩ ለመምሰል እየሞከርኩ። እኔ በሀዩ
ደስተኛ ብሆንም ሀዩን ግን እያስደሰትኩ አይደለም።
“ሊያዉም ልዛመድህ ነዋ!” አለኝ ፈገግ ብሎ
እያፈጠጠብኝ
“ማንን? መግፊራን? አላምንም!” አልኩት። መግፊራ
የሀያት እህት ናት።
“አይደለም ባንተ በኩል። አክስቶችህ ሰፈር!” አለኝ።
ሁለታችን
ም አይን ለአይን ተያይተ

ን ሳቅንና እኩል “ኢማን” አልን።
ኢማን ሁሌም እኛ ቤት መጥታ እሱ ካለ እኔን ደክሞሀል
ምናምን ብሎ ሰበብ ሰጥቶ እሱ ነበር ወደ ቤቷ
የሚያደርሳት።
“እና አዉርታችኋላ!” አልኩት።
“ሁሉም አልቋል። ኒካህ ብቻ!” አለኝ እየሳቀ። ኢማን
በጣም የምወዳት የአክስቴ ልጅ ናት። በፀባዩ
የምተማመንበትን ጓደኛዬን ስለምታገባ ደስ አለኝ። የሱን
ጉዳይ አዉርተን እንደጨረስን የእኔን ጉዳይ በሙሉ
ነገርኩት። ሰዒድ ለኔ በጣም አዘነና “አክረሜ ይሄ ነገር
ድግምት ሊሆን ይችላል። ብዙ ሴቶች ይወዱህ ስለነበር
አስነክተዉህ ይሆናል።” አለኝ። ወደዱኝ ከተባሉት ሴቶች
የቀረብኳቸዉ ሀያትንእናራሄልን ነዉ። ሁለቱም ደግሞ እኔን
የሚጎዳ ነገር እንደማያደርጉ እርግጠኛ ነኝ። ቢሆንም
ነገሮችን ማረጋገጡ ሳይሻል አይቀርም በሚለዉ በቁርዓን
ህክምና ጤናዬን ልንፈትሸዉ ወሰንን።
.
በነጋታዉ ለማንም ሳንናገር እኔናሰዒዶ ወደ አንድ የቁርዓን
ህክምና ማዕከል ሄድን። ብዙ ሰዉ ከኔዉ ጋር በተያያዘ
ጉዳይ ማለትም በድግምት እና በአጋንንት ተበጥብጦ
ህክምና ለማግኘት ተቀምጧል። በመሀል ከተማችን
ዉስጥ እንደዚህ ድግምት አሳሳቢ ጉዳይ መሆኑ አሳዘነኝ።
ተራዬ ሲደርስ ወደ ህክምና ክፍሉ ገባሁ። ሰዒድም
አብሮኝ ገባ። አንድ ነጭ ጀለቢያ የለበሰ ኡስታዝ
ተሽከርካሪ ወንበር ላይ ተቀምጦ ችግሬን ካዳመጠኝ በኋላ
ወደ ቀጣዩ ክፍል አስገባኝ። ቀጣዩ ክፍል ሙሉ ለሙሉ
ምንጣፍ የተነጠፈበት ክፍል ነበር። የመኪናዬን ቁልፍ
እንዲሁም ሌሎች ተያያዥ የያዝኳቸዉን ነገሮች ለሰዒድ
ከሰጠሁት በኋላ ሰዉየዉ ጮክ ብሎ ቁርዓን መቅራት
ጀመረ። መጀመሪያ ድምፁ በጣም ያምር ነበር። ከዛም
የሆነ ብስጭት ዉርር አደረገኝናድምፁ አስጠላኝ። ከዚህ
በኋላ ምን እንደተፈጠረ ነቅቼ ሰዒድ እስኪነግረኝ ድረስ
አላዉቅም።
.
ይጥላል:”'””

Advertisements

መንታ መንገድ ክፍል 12

መንታ መንገድ
ክፍል አስራሁለት
.
.
ራሄል የፃፈችልኝን ደብዳቤ ካነበብኩ በኋላ ከለቅሶ ቤት
አልጠፋሁም። ሀጅራ አዲስአበባ ደርሳ የራሄልን ሬሳ ስታይ
ራሷን መቆጣጠር ከበዳት። ለረዥም ሰዓት አነባች። ትናንት
ከጎኗ ትማር የነበረች ልጅ ሳይታሰብ መሞቷ ልቧን
ሰበረዉ። ሀጁ ወደ ኮምቦልቻ እስክትመለስ ድረስ ያለዉን
ጊዜ እነሀያት ቤት አሳለፈች።
ራሄል ዉጪ የነበሩት ዘመዶቿ እንደተሰበሰቡ በሞተች
በሶስተኛዉ ቀን ተቀበረች። ዉስጤ በሀዘን ተሞልቷል።
ገዳይዋ እንደሆንኩ እየተሰማኝ ነዉ። ራሄል ግን እወዳት
እንደነበር እንዴት አወቀች? አዎ ገባኝ ከሀያት በተለየ
ጊዜዬን ከሷ ጋር ነበር የማሳልፈዉ። አይኖቼ፣ ሁሉ ነገሬ
ከአንደበቴ ዉጪ እንደምወዳት ይናገር ነበር። ከፓፒረሱ
ክስተት በኋላ ግን የወደፊት ህይወትን ከግምት ዉስጥ
ባስገባ መልኩ ከራሄል እና ከሀያት ምርጫዬ መሆን
ያለባት ሀያት መሆኗን ወሰንኩ። ትኩረቴንም በከፊል
ከራሄል ወደ ሀያት አዞርኩ። ሀያት ምንም አይጎድላትም።
ግን ራሄል ልቤ ዉስጥ ነበረች።
.
በህይወት እስካለሁ ድረስ እንግዲህ ቢያንስ በአመት
አንድ ጊዜ ራሄል መቃብሯን እንድጎበኝ አደራ ብላኛለች።
ግን ሰዉ መንገድ ላይ ሲያየዉ ይሳሳለት የነበረዉ ዉበቷ
አፈር ገባ በቃ? ሰዉ ግን ከንቱ ነዉ። ምንም ዛሬ ቢፈካ
ላለመንጠፉ ዋስትና የለዉም።
.
ሀያት ሀዘኑ እንደከበደኝ ስለገባት በቻለችዉ አቅም ብቻዬን
አትተወኝም። በርግጥ ሰሞኑን አባዬ ትንሽ ስላመመዉ ስራ
እሱን ተክቼ መግባቴም ለጊዜዉም ቢሆን ሀዘኔን
እንድረሳዉ አድርጎኛል። ስራዉ ከአባዬ ድርጅት ጋር
መስራት የሚፈልጉ አዲስ ደንበኞች ሲመጡ ተቀብሎ
ማነጋገር፣ ወደብ ላይ ያሉ እቃዎችን በተመለከተ ከድርጅቱ
ሀላፊዎች ጋር በመመካከር ቶሎ እንዲገቡ ማድረግ ፣
ከሻጮች ጋር መደራደር ምናምን ነዉ። ብዙ ዉሳኔዎችን
በራሴ መወሰን ስለምፈራ አባዬ ጋር ደዉዬ እሱ እየነገረኝ
እኔ እፈፅማለሁ። ስራዉን ከዚህ በፊት አሳይቶኝ ስለነበር
ብዙም አልከበደኝም። የአባዬ ፀሀፊም ልምድ ስላላት
በደንብ ታግዘኛለች። ሀዩ ከስራ ስመለስ አብራኝ አምሽታ
ወደ ቤት ትሄዳለች።
ከራሄል አባት ጋርም በቅርብ እየተገናኘን እናወራለን።
እስክንድርንም በተደጋጋሚ አገኘዋለሁ። በራሄል ዙሪያ
የነበሩ ሰዎችን ሳወራ እሷን ያወራኋት ያህል ደስ ይለኛል።
እንዳለችዉም ሳጣት ከፍቅሯ እሳት ጋር መጋፈጥ
ጀምሬያለሁ። ትናፍቀኛለች። አንዳንዴ ሀያት ራሄልን
እንደነጠቀችኝ እየተሰማኝ ታስጠላኛለች። እንደዉም ሀዩ
ላይ በጣም ቀዝቅዤባት ነበር። ግን የሰዒዶ ምክር
አባነነኝ። “እሷም ራሷን አጥፍታልህ እንዳታርፈዉ!” ነበር
ያለኝ።
ቆይ አሁን ስለ ግጥም ከማን ጋር ነዉ የምወያየዉ?
ራሄልን በጣም እወዳት ነበር። ካጠገቤ ስትርቅ ሁሉም
ነገር ግልፅ ሆኖልኛል።
.
ቀናት ቀልድ አያዉቁም ፣ ወራትም ቀናት
ሲጠራቀሙላቸዉ እብስ ከማለት ወደኋላ አይሉም። ራሄል
ከሞተች ሁለት ወራት አለፉ። ክረምቱ አልቆ አዲስ አመት
ተበሰረ። ራሄል የሌለችበት ባዶ አመት አዲስ አመት ተባለ።
ባህርዳር ዩኒቨርሲቲም በየቤታቸዉ የተበተኑ ተማሪዎችን
ጠራ። ከሀዩእና እስክንድር ጋር ሆነን ወደባህር ዳር ሄድን።
የመጨረሻ አመታችን ስለሆነ በዚህ አመት እንመረቃለን።
በአዉሮፕላን እየሄድን ሪቾ ትዝ ስትለኝ አጭር ግጥም
ፃፍኩ። ወደ መቃብሯ ስሄድ አነብላታለሁ።
“አንቺ የሌለሽበት ሁሉ ነገር ባዶ፣
ሰፈሩ ጭር አለ ፣በፅልመት ተጋርዶ።
ድምቀት ማለት አንቺ ፣ ስትጠፊ ገባኝ፣
ምንድነዉ ሳቃቸዉ ፣ ሰላም የሚነሳኝ?”
.
ሀያት በዉጤቷ አሁንም የክፍላችን ሰቃይ ናት። ሪቾ
ሞተች እንጂ ሁለተኛዉ ትልቁ ዉጤት የሷ ነበር። ድሮ
እኩል ነበርን። አሁን ግን በአንድ ትምህርት በልጣኛለች።
ግን ሞታለች። ትምህርት እንደተጀመረ እስክንድርን በጣም
ቀረብኩት። ራሄል ከናፈቀችኝ የማገኘዉ ብቸኛዉ ሰዉ
እስክንድር ነዉ። በርግጥ ጊዜዉ ሲገፋ የራሄል ሀዘንም
ቀለል ብሎልኛል። ሀያት ወደ ጣና እንደለመድነዉ ባጃጅ
ተኮናትረን ከሄድን ገና ፓፒረስ ጋር ከመድረሳችን በፊት
በወሬ ትጠምደኛለች። ወሬዉ ትኩረቴን ወደሷ ካልወሰደዉ
ከንፈሬ ላይ ትለጠፋለች። ፓፒረስን ካየሁ ራሄል ትዝ
ትለኛለች። ከራሄል ጋር ያሳለፍነዉን የፓፒረስን ምሽት
ሳስታዉስ ደግሞ ፈገግታ ይርቀኛል። የሀዩም ትኩረቴን
ለመስረቅ መሞከር ሪቾ ትዝ እንዳትለኝ ለማድረግ የታለመ
ነዉ። ቀናችንን ሰላማዊ ለማድረግ!
.
ትምህርት ተጀምሮ ከወር በላይ እንደተማርን አባዬ
በተደጋጋሚ መታመም ጀመረ። እኔናሀዩ አንዴ ወደ
አዲስአበባ መጥተን ጠይቀነዉ ተመልሰናል። እኛ
ስንጠይቀዉ ትንሽ ሰላም ነበር። ከተመለስን በኋላ ግን
ባሰበት።
ጠይቀነዉ በተመለስን በአስራአምስት ቀኑ የአባዬ ጤንነት
ጥሩ የሚባል ደረጃ ላይ መድረሱን ኢስራዕ ነገረችኝ።
በየቀኑ እንደዋወላለን። በሰዓቱ እኔናሀዩ የመመረቂያ
ፅሁፋችንን ምዕራፍ አንድ ለማጠናቀቅ እየተጣደፍን የነበረ
መሆኑ አባዬን ደግሜ እንዳልጠይቀዉ አደረገኝ።
.
አንዳንዴ ማታ ከሀዩ ፣ ሀጁ እና እስክንድር ጋር ከተለያየን
በኋላ የግቢያችን ላቭ ስትሪት ላይ ብቻዬን ዎክ
አደርጋለሁ። እዚሁ መንገድ ላይ ሪቾ የፍቅር ግጥም
መፃፍ ጀመርኩ ብላ ስታነብልኝ የነበረዉ ድባብ ትዉስ
ይለኛል። እጆቿን ወደ ላይ ሰቅላ እየተሽከረከረች
ስትጨፍር አይኔ ላይ ድቅን ትላለች። ብቻዬን ስሆን ሀዘኑን
መቋቋም ይከብደኛል። ሪቾ በጣም ትናፍቀኛለች። ፓፒረስ
ዉስጥ ራቁታችንን ሆነን ከንፈሬን ስትስመኝ
የማልቆጣጠረዉ ስሜት በጥፊ እንድመታት እንዳደረገኝ
አስታዉስና ይገርመኛል! እስከአሁን መልስ ያጣሁለት
ጥያቄ! አካሌን ማን አዘዘዉ? ልቤ እኮ ሙሉ ለሙሉ
ሊተኛት ፈልጎ ነበር።
.
ሀሙስ ጠዋት ላይ ኢስራዕ ደወለችልኝ። “ወዬ የኔ
ሚጢጢ!” አልኳት።
“አቢ እኮ ወደ አኼራ ሄደ!” አለችኝ እያለቀሰች። አኼራ
ማለት ቀጣዩ አለም ማለት ነዉ። አባቴ ሞተ? እንባዬ
ፈሰሰ! ሲያመጣዉ እንግዲህ አንዴ ነዉ። አባቴን በጣም
ነበር የምወደዉ። ከተረጋጋሁ በኋላ ለሀዩ ደዉዬ ነገርኳት።
ሀዩ በጣም አዘነች። ሀዘኑ በጣም እንዳይጎዳኝ ፈርታለች።
እኔ ግን በልኩ ነዉ ያዘንኩት። አባቴ በመሞቱ ጌታዬን
አላማርርም። እድሜዉ ሄዷል። ከሀዩ ጋር አራት ሰዓት ላይ
ቢዝነስ ፍላይት አግኝተን ወደ አዲስአበባ መጣን። ሰዒድ
ከአየርማረፊያ ተቀብሎን የኛ ቤት ቅያስ ጋር ካደረሰን
በኋላ እናቱን ለማምጣት እኛን ወደ ሰፈር የሚያስገባዉ
ቅያስ ጋር አዉርዶን ሄደ። ወደ ቤት እየቀረብን ስንመጣ
አንድ ሰዉዬ ፈገግ ብሎ እዚህ ሰፈር ከሆንን ለቅሶ ቤቱን
እንድናሳየዉ ጠየቀን። እሺ ብለነዉ አብረን መሄድ
እንደጀመርን ሰዉየዉ እየቀለደ ሊያስቀን ሞከረ። ያወቀኝ
አልመሰለኝም። ለቅሶ ለመድረስ የመጣዉ ግን እኛዉ ጋር
ነበር። ልክ ቤት ጋር ስንደርስ በራችን ላይ የተደኮኑትን
ድንኳኖች እያሳየሁ “እዛ ቤት ነዉ!” አልኩት። ወዲያዉ
ማጓራት እና እየጮኸ ማልቀስ ጀመረ። እየጮኸ እኛን
ትቶን ወደ ድንኳኑ እየፈጠነ ሄደ። እዉነት ለመናገር ሳቄን
ልለቀዉ ምንም አልቀረኝም። ሰዉ እንዴት ድንኳን ሲያይ
ይቀየራል? ማስመሰል ምን ያደርጋል? ሀዘኑን ለመግለፅ
እንደከብት ማጓራት አይጠበቅበትም እኮ! አስመሳይ!
.
ቤት እንደገባሁ ኢስራዕናመርየም አቅፈዉኝ መንሰቅሰቅ
ጀመሩ። ሳያቸዉ አንጀቴን በሉት ከአይኔ እንባዬ ፈሰሰ።
ወዲያዉ እነሱን አረጋግቼ የአባቴ ሬሳ ወዳለበት ክፍል
ገባሁ። አባዬ ተከፍኖ በጣም ደስ የሚል ሽቶ ተቀብቷል።
ያን የመሰለ መኪና እንደማይዝናሱፍ እንዳልቀያየረ ዛሬ
በአቡጀዴ ተጠቀለለ። ግንባሩን ስሜዉ ወዲያዉ ወደ
ድንኳን ሄድኩ። ሰው እየጮኸ ያለቅሳል። ሀይማኖታችን
ከማንባት
በዘለለ እየጮኹ

ማልቀስን ስለሚከለክል ሰዎቹ ዝም
እንዲሉ ለመጠየቅ ሞከርኩ ግን ሊሰሙኝ አልቻሉም። ኋላ
ላይ አንድ ሽማግሌ ተቆጥተዉ ወንዶቹን ስርዓት
አስያዙልን። ድንኳን ዉስጥ እንደተቀመጥኩ አንድ
ጎረቤታችን ጠርታ ወደ ሴቶች ድንኳን ይዛኝ ሄደች።
በእስልምና እምነት መሰረት በሰርግም ሆነ በለቅሶ
ወንዶች ከሴቶች ጋር እንዲቀላቀሉ አይፈቀድም። የሴቶች
ድንኳን ጋር ስደርስ ሴትየዋ “ኧረ እናትህን ተይ በላት ፊቷን
ቧጣ ጨረሰችዉ። አላህም አይወደዉ!” አሉኝ። ወደ
ሴቶች ድንኳን ስመለከት እናቴ ደረቷን እየደበደበች ፊቷን
እየቧጠጠች ታለቅሳለች። ከአባዬ ሬሳ አርቀዉ ድንኳን
ዉስጥ ያስገቧት በጣም አስቸግራ መሆኑ ገባኝ። አባቴ
በህይወቱ በነበረበት ጊዜ ስታቆስለዉ ኖራ ዛሬ
ታስመስላለች። እናቴ ሆና ክብሯ ባይዘኝ ባጋጫት ሁላ ደስ
ይለኝ ነበር። ወይ የሀይማኖት እዉቀት የላት! ወይ ስነ
ምግባር የላት፣ መልክ ብቻ!
እናቴ መምጣቴን ስታይ ትንሽ ተረጋጋች። እንዲሁ ለኔ
ክብር አላት። እህቶቼን ከቤት ጠርቼ ስርዓት እንዲያስይዟት
ነገርኳቸዉ።
.
አባዬ ወዲያዉ ሰባት ሰዓት ላይ ተሰግዶበት ተቀበረ።
በእስልምና እምነት በሬሳ ላይ የሚሰገድ የስግደት አይነት
አለ። ሬሳን ቶሎ መቅበርም ይወደዳል።
በነጋታዉ ሰው ሀዘኑ እየበረደለት ድንኳኑ ዉስጥ መጫወት
ጀመረ። ግማሹ አስፈርሾ ይቅማል። ግማሹ ክብ ሰርቶ
ይጫወታል። ጮክ ብሎ ሚስቅ ሁሉ ነበር። አሪፍ
የቤተሰብ መሰብሰቢያ መድረክ ሆኗል። ለቅሶ መሆኑን
ረሱት መሰለኝ።
ማታዉን ቤተሰብ ተሰብስቦ የአባዬን ስራ ማን ያስተዳድር
በሚለዉ ላይ መከረ። መጨረሻ ላይ እኔ ላይ እምነታቸዉን
ጥለዉ ትምህርቴን አቋርጬ የአባቴን ስራ እንድሰራ
ወሰኑ።
.
ለቅሶዉ ቀዝቅዞ ፣ ድንኳኑ ፈራርሶ ፣ሰው እንደተበተነ ፤
ሀዩንም ወደ ባህርዳር ሸኘኋት። ቢያንስ እስኪ ሰቃያችን
ትመረቅ። እኔና ሪቾ እንደሆነ ከትምህርት መስመር
ወጥተናል። ትንሽ ቆይቼ እኔም ወደ ባህርዳር ሄጄ
ልብሶቼን ይዤና ዊዝድሮዉ ሞልቼ ተመለስኩ። የህይወት
መስመር መቼ እንደሚቀየር አይታወቅም። ትናንት ተማሪ
የነበርኩት ልጅ ይኸዉ ሰራተኛ ልሆን ነዉ።
.
ስራ በጀመርኩበት የመጀመሪያዉ ቀን ማታ የሪቾን መቃብር
ሄጄ ጎበኘሁ። ወደ ባህርዳር ስበር የፃፍኩትን ግጥም
አነበብኩላት። ሪቾ እንዳለችዉ የእዉነትም ተዉባ
እየጠበቀችኝ ይመስለኛል። እንዲህ ሱፍ ለብሼ የአባቴን
መኪና ይዤ ሪቾ ብታየኝ ምን ትል ነበር? እኔንጃ ብቻ ለየት
ያለ ቃል አታጣም። የሆነ ነገር ትለኝ ነበር።
.
የአባዬን ስራ እያስተዳደርኩ ቀናትም እየሮጡ ወራትም
እየተገነጠሉ ሰባት ወራት አለፉና የሀዩ እና ሀጅራ ምርቃት
ደረሰ። የፈጣሪ ዉሳኔ ነጠለን እንጂ እኔናሪቾም አብረን
እንመረቅ ነበር።
በነገራችን ላይ የአባዬን ስራ በጣም ትርፋማ
አድርጌዋለሁ። በቅርቡ እንደዉም ባለን ተቀማጭ ገንዘብ
ሌላ ተጨማሪ ስራ ለማስጀመር እያሰብኩ ነዉ።
.
ቅዳሜዉን ዉዷ ሚስቴን ላስመርቅ ወደ ባህርዳር ሄድኩ።
ሀዩዬ የግቢዉን ትልቁን ዉጤት ነበር ያስመዘገበችዉ።
አራት ነጥብ! በጣም አኮራችኝ። ሀዩ ግን ከመመረቋ
በላይ ጓግታለት የነበረዉ አብረን የምንኖርበት ቀን
መድረሱን ነዉ። በሰርግ ከቤቷ በወጉ የምትወሰድበትን
ቀን! የምንጠቃለልበትን እለት!
ሀዩን ሜዳሊያ አጥልቃና ዋንጫ ይዛ ሳያት በጣም ደስ
አለኝ። ሪቾ ከኛ ጋር ባለመሆኗ ግን አዘንኩ።
ሀዩ ፍልቅልቅ እንዳለች ዙሪያዋን የቆሙትን ቤተሰቦቿን
እና እኔን እያየች “የሀያትን ምርቃት ከሌሎች ምርቃቶች
ለየት የሚያደርገዉ በሰርጓ ዋዜማ መካሄዱ ነዉ።” አለች።
.
ይቀጥላል…

መንታ መንገድ ክፍል 11

መንታ መንገድ
ክፍል አስራአንድ

.
.
ከሀያት ጋር የተጋባንበት እና ባለሚስት የሆንኩበት ቀን
አለፈ። የሴሚስተሩም እረፍት
አልቆ ወደ ባህርዳር ተመለስን። በኔና በሀዩ መካከል ብዙ
ነገሮች ተቀየሩ። ከድሮዉ
በተለየ ብቻችንን እናሳልፋለን። እንደልቤ አቅፋታለሁ።
እስማታለሁ። ታዲያ ሰዉ
በሌለበት ነዉ። ማንም እና ምንም ሀዩን መንካት
አይከለክለኝም። ምክንያቱም ሚስቴ
ነች!!
.
ቅዳሜ ከሰዓት ብዙ ጊዜ ጣና ነዉ የምናሳልፈዉ።
ለመጀመሪያ ጊዜ ከንፈሯን
የሳምኳትም ጣና ዳር ተቀምጠን ነዉ። ከንፈር የሆነ ለየት
ያለ ጣዕም አለዉ። ለኔ የሀዩ
ከንፈር የምድር ምርጡ ጣዕም ባለቤት ነዉ። ምክንያቱም
ከሀዩ ዉጪ ሌላ ሴት
እንዲህ በወጉ ስሞኝ አያዉቅም። ያለዉድድር ከንፈሯ
አሸንፏል። በርግጥ ሪቾ አንዴ
ከንፈሬን ስማኝ ነበር ግን ላስታዉሰዉ አልፈልግም።
ካስታወስኩት ብዙ ነገሮች አብረዉ
ይታወሱኛል።
.
የሴሚስተሩ ማለቂያ ሲደርስ አባቴ ደዉሎ መርየም
ልታገባ መሆኑን አበሰረኝ። ታናሽ
እህቴ ፈለጌን ስለተከተለች ደስ አለኝ። የምታገባዉም ልጅ
በስነ ምግባሩ መልካም
የሚባል አይነት ነዉ። ኒካሁ በሌለሁበት ተደርጎ ሰርጉን
ክረምት ስመለስ ለማድረግ ነዉ
ያቀዱት። ህይወቴ በደስታ ተሞላች።
.
የሪቾ ፍቅረኛ እስክንድር ወደ ማታ ደዉሎ ላግኝህ አለኝ።
ምሽቱን ሀያት ቤተ መፅሀፍ
ስለነበረች ብቻዬን አገኘሁት። ግቢያችን ዉስጥ
ሜንላዉንጅ የሚባለዉ ቦታ ተቀምጠን
አንዳንድ ነገሮችን ካወራን በኋላ ሊያገኘኝ ወደ ፈለገበት
ጉዳይ ገባን።
“ራሄልን ግን በደንብ አስተዉለሀታል?” አለኝ ትኩር ብሎ
እያየኝ። እዉነት ለመናገር
ከጋብቻዉ በኋላ ብዙም ትኩረቴ ወደሷ አልነበረም።
በርግጥ የምግብ ሰዓቶች ላይ
እንደድሮዉ አብረን ነዉ የምንበላዉ።
ዝም ስለዉ “አኩሻ ጤናዋ እየተዛባ ነዉ።” አለኝ።
“እንዴት?” አልኩት ያላስተዋልኩትን ነገር ስለነገረኝ
እየተገረምኩ
“አክረሜ ገና አንተ የሀያት እንደሆንክ ካወጅክ ጀምሮ
ደህና አይደለችም። ፈገግታዋ እና
ጨዋታዋ ሁሉ አንተን ደስ ለማሰኘት እንጂ የእዉነት
አይደለም። እየሳምኳት ራሱ
የምትጠራዉ ያንተን ስም ነዉ። ዛሬም ከምንም በላይ
ታፈቅርሀለች።” አለኝ።
በነገረኝ ነገር በጣም አዘንኩ። ግን ምን ማድረግ
እችላለሁ? እኔ አሁን ባለትዳር ነኝ።
“ምን ማድረግ የምችል ይመስልሀል?” አልኩት
እስክንድርን
“ቢያንስ ቀረብ ብለህ እንደድሮዉ አዉራት፣ አማክራት።”
አለኝ። እስክንድር ምን ያህል
ጉዳዩ እንዳሳሰበዉ ከፊቱ ይነበባል።
.
በነጋታዉ ክፍል ዉስጥ እየተማርን ሪቾ ራሷን ስታ
ወደቀች። የተቀመጠችዉ ከአጠገቤ
ስለነበር አቅፌ ከክፍሉ ይዣት ወጣሁ። እነሀያት ዉሀ
ገዝተዉ መጡና ሰዉነቷን
ለማቀዝቀዝ ሞከርን። ልክ እንደነቃች አይኗን ስትገልፅ
እቅፌ ዉስጥ ነች። ድክም ባለ
ፊቷ ላይ ፈገግታ ለመርጨት እየሞከረች “እዚህ እቅፍ
ዉስጥ እንኳ ብሞትም
አይቆጨኝም!” አለችኝ። ደግነቱ ሀዩ ሪቾ ስትነቃ
የምትበላዉ ነገር ልግዛ ብላ ሄዳ ነበር።
ከእቅፌ አዉጥቼ አስተካክዬ ላስቀምጣት ስል ገና
አካላቶቿ መታዘዝ አልጀመሩም።
እዛዉ እቅፌ ዉስጥ እንዳለች ማዉራት ጀመርን።
“መቼ ነዉ የጀመረሽ? ማለቴ ህመሙ?” አልኳት።
“ትንሽ ቆየ ባክህ! ጤናዬ አንተ ነበርክ ፤ የኔ እንደማትሆን
ካወቅኩ ጀምሮ ሰላም
አይደለሁም።” አለችኝ።
ያኔ ሽንፈቷን በፀጋ ተቀበለች ብዬ ተገርሜ ነበር። ለካ
በዉስጧ አፍናዉ ነበር።
.
የሴሚስተሩ ትምህርት እንዳለቀ ለክረምት ወደ አዲስ
አበባ ተመለስን። እህቴ መርየም
ኒካህ አድርጋለች። አሁን ሰርጉ ሊደገስ ነዉ። ከባህርዳር
እንደተመለስን ራሄል
በተደጋጋሚ ልታገኘኝ እንደምትፈልግ ብትነግረኝም ሀዩ
ሊከፋት ይችላል በሚል
ሳላገኛት ቀረሁ። እሁዱን የመርየም ሰርግ ሊካሄድ
ቅዳሜዉን ሴቶቹ እኛ ቤት
ተሰብስበዉ እየጨፈሩ ነዉ። እኔ ሰርግ ላይ ሴቶቹ
ሲጨፍሩ የሚሏቸዉ ግጥሞች
ስለሚያዝናኑኝ በቅርብ ርቀት ከሰዒድ ጋር ሆኜ እሰማለሁ።
አንድ የጎረቤታችን ልጅ
እያወጣች ሌሎቹ እየተቀበሉ እንዲህ አሉ
“ሽንኩርት ከተፍ ከተፍ ፣ ሽንኩርት ከተፍ ከተፍ፣
ያላገባ ካለ ፣ አሁን ይቀላጠፍ።” ሰዒድን እያየሁት
እስቃለሁ።
ኢስራዕ ማዉጣት ጀመረች፣ ሌሎቹ ይቀበላሉ
“በጎድጓዳ ሳህን፣ ይመታል አብሽ፣
የኔማ መርየሜ፣ የቀይ ድንቡሽቡሽ።
መስታወት ፊት እንጂ ፣ አያሳይም ሀገር፣
አደራ ጌታዬ ፣ የመርየምን ነገር።” አለችና ዛቻናልመና
የቀላቀሉ ግጥሞችን ማዉጣት
ጀመረች።
“መርየም ዘረ ብዙ ፣ መርየም ዘረ ብዙ፣
ትናገራትና ብዙ ነዉ መዘዙ።
አምናም አጨብጫቢ ፣ ዘንድሮም አጃቢ፣
ኧረ የኛን ነገር ፣ ያረቢ ያረቢ።”
.
ከሰዒዶ ጋር ግጥሞቹን ተመስጠን እያዳመጥን ሪቾ
ደወለች።
“ወዬ ሪቾዬ” አልኩ ስልኩን አንስቼ።
“አክረሜ እንዴት ነህልኝ?” አለች።
“የራሄል አምላክ ይመስገን ደህና ነኝ!” አልኳት እየሳቅኩ።
“አሁን ሰፈራችሁ ነኝ። አስፓልቱ ጋር ና ላግኝህ።”
አለችኝ።
ሄጄ አገኘኋት። የአባቷን መኪና ይዛ ነበር የመጣችዉ።
መኪናዉ ዉስጥ ገብቼ ማዉራት
ጀመርን። ቆይ ግን ምድር ላይ የቀረሁት ወንድ እኔ ብቻ
ነኝ እንዴ? ይሄን የመሰለ ዉበት
ይዛ እኔን ደጅ መጥናቷ ጨነቀኝ። ሪቾኮ በጣም ዉብ ናት።
ድሮም ፎንቃ ይሉት ነገር
መዘዙ ብዙ ነዉ። ይኸዉ ሪቾን ራሱ አሳመመብኝ።
ሪቾ ብዙ የማላዉቃቸዉ በህይወቷ ዉስጥ ተፈጥረዉ
የነበሩ ነገሮችን ተረከችልኝ።
ከዛም አይን አይኔን እያየች “አክረሜ ሁሌም እወድሀለሁ
ግን ከዚህ በላይ መሰቃየት
አልችልም። ከዚህ በኋላም የማስቸግርህ አይመስለኝም።”
አለችኝ። እንባዋ ከአይኖቿ
ፈሰሰ። በጣም ልቤን ነካችዉ። እጆቼ እንባዋን ሊጠርጉ
ወደ ጉንጮቿ ሄዱ። ያዘቻቸዉ!
ሁለቱንም መዳፎቼን ሳመቻቸዉ። ልቤ ስፍስፍ ብሏል።
እጆቼን በኃይል ጎትታ ከንፈሮቼን
ወደ ከንፈሮቿ አስጠጋች። ልቤ ቀጥ አለ። የማስቆምበት
አቅም አልነበረኝም። ሁሉ
ነገሬን ተቆጣጥራዋለች። ወዲያዉ ስልኬ ጠራ። ተመስገን
ሙዷን አወረደዉ።
ለቀቀችኝና መሪዉ ላይ ተኛች። ሀዩ ነበረች የደወለችዉ።
አነሳሁት። ቤት እንደመጣች
እና ቶሎ እንድመጣ ነገረችኝ። ዛሬ ያዉ የባሏ እህት ሰርግ
ዋዜማም አይደል? ለሊቱን
ከእህቶቼ ጋር ሲጨፍሩ ሊያድሩ ነዉ።
ስልኩን አናግሬ ስጨርስ ራሄል ከመሪዉ ላይ ፊቷን አንስታ
በሶፍት እንባዋን
እየጠራረገች “በቃ ልሂድ!” አለችኝ። ትክዝ ብዬ አየኋትና
“አላህ ይጠብቅሽ!” አልኳት።
አትሄጂም ብዬ በሆነ ተዓምር ሚስቴ መሆኗን ባስረዳት
ደስ ይለኝ ነበር። ግን እዉነታዉ
ሪቾ ሚስቴ ያለመሆኗ ሀቅ ነዉ።
.
የሰርጉ ቀን አልፎ በማግስቱ ራሄል አራት ነጥብ በሚሴጅ
ላከችልኝ። ትርጉሙ
አልገባኝም ነበር። ስደዉልላት አታነሳም። በነጋታዉ ጠዋት
ሀያት ደወለችልኝ “አኩዬ የት
ነህ?” አለችኝ።
“ቤት ነኝ ሀዩዬ!” አልኳት።
“እሺ አልጋህ ላይ በወገብህ ተኛ አንዴ!” አለችኝ። ዛሬ
ደሞ ምን አይነት ሮማንስ ነዉ
ባካችሁ?
“አንቺ አዘሽኝ አይደለም አልጋ ላይ የጦር ጫፍ ላይ
አልተኛም ብለሽ ነዉ?” አልኩ
እንዳዘዘችኝ በወገቤ አልጋዉ ላይ እየተጋደምኩ።
“እሺ አኩዬ እንዳልኩህ ተኛህ?” አለችኝ።
“አዎ ሁቢ አሁን ምን ላድርግ?” አልኳት።
መጋደሜን እንዳረጋገጠች ድምጿ በሳግ እየታፈነ “አኩዬ
ሪቾ ራሷን አጠፋች!” አለችኝ።
እጄ ስልኬን መሸከም ከበደዉ። ስልኬ እንደዚህ ይከብድ
ነበር እንዴ? ራሄል የተገናኘን
ምሽት ላይ የነገረችኝ ነገር ስንብት መሆኑ ገባኝ። ሀዩ
አልጋ ላይ መሆኔን አረጋግጣ
የነገረችኝ ጉዳት እንዳይደርስብኝ በመስጋት ነበር።
እንደነገረችኝ የተኛሁ ቤት መጥታ
እስክታስነሳኝ ድረስ አልነቃሁም። አሁን ለቅሶ ስደርስ
አላፍርም? በኔ ምክንያት

ሞታ ሄጄ
ባለቅስ ማላገጥ አይመስልም? ሪቾዬ ጠልቻት እኮ
አይደለም። ግን ሁኔታዎች አንድ
ላይ እንዳንሆን አደረጉ። ሀይማኖታችን ተለያየ። ምን
ላድርግ? ምን ያህል ታፈቅረኝ
እንደነበር እኮ በደንብ ነበር የምረዳዉ። መላ አካሌን
የማዘዝ ስልጣን የነበረዉ ዉበት
እኮ ነበራት። ግን የፈጣሪ ዉሳኔ የሀዩ አደረገኝ። እነዛ ለዛ
ያላቸዉ ግጥሞቿስ? ወይኔ
ሪቾዬ! አሁን ማለቃቀሱ ምን ይጠቅማል? ምንም!!
.
በሀያት አስገዳጅነት የራሄልን ለቅሶ ለመድረስ ሄድን።
እስክንድር ቀድሞን ሄዶ ስለነበር
ስንደርስ ተቀበለን። በጣም እየተለቀሰ ነበር። ሀጅራ ለቅሶ
ልትደርስ ከኮምቦልቻ
እየመጣች ነዉ። ሪቾ በመርየም ሰርግ ቀን ራሷን
ያላጠፋችዉ ደስታዬን ላለማደብዘዝ
ብላ መሆኑ ገባኝ። እሷ እየተሰቃየች ለኔ ድርብ ደስታ
ትጨነቃለች። ለቅሶ ቤት ገብተን
ትንሽ እንደተቀመጥን የራሄል አባት ወደ ሀያት መጥተዉ
የሆነ ነገር አወሯት። ሀዩ ወደኔ
ጠቆመቻቸዉ። አባቷ ወደኔ መጡና “ና እስኪ አንዴ!”
ብለዉ ይዘዉኝ ወደ ዋናዉ ቤት
ገቡ። ወደ ራሄል መኝታ ቤት ስንገባ ራሄል ተገንዛ አልጋዉ
ላይ ተጋድማለች።
አልተከፈነችም። ከላይ አንሶላ ለብሳለች። አባትየዉ በሩን
ከዘጉት በኋላ አንሶላዉን
ከፊቷ ላይ አነሱት። ራሄል ሞታለች። ሳያት እንባዬ ከአይኔ
ያለማቋረጥ ፈሰሰ። ልቤ
በጣም ተነክቷል። አባትየዉ የሆነ የመድሀኒት ብልቃጥ
እየጠቆሙኝ “በዚህ ነዉ ራሷን
ያጠፋችዉ።” አሉኝ። የሰዉ ልጅ ጤዛ ነዉ። አሁን ታይቶ
በቅፅበት ዉስጥ የሚጠፋ።
ግን ምንም አይነት ፈተና ቢጋረጥ ነብስ ማጥፋት በፍፁም
እንደመፍትሄ ሊታይ
አይገባም። ምክንያቱም ከዚህ ከተኬደ በኋላ እዛ ሰማይ
ቤት የሚጠብቀንን ስቃይ
ካለንበት ችግር ጋር አወዳድረን አላየነዉምና!
.
ትንሽ የአልጋዉ ራስጌ ጋር ተቀምጬ ካነባሁ በኋላ
አባትየዉ አንድ ወረቀት ከኮታቸዉ
የዉስጥ ኪስ ዉስጥ አዉጥተዉ ሰጡኝ።
እዛዉ ከፍቼ አነበብኩት። የራሄል ፅሁፍ ነዉ።
“እንደምወድህ ከማዉቀዉ በላይ እንደምትወደኝም አዉቅ
ነበር። አንተን የኔ እንዳትሆን
ያገደህ ሀይማኖታችን መለያየቱ ብቻ ነዉ። ልክ ስታጣኝ
እዉነታዉን መጋፈጥ
ትጀምራለህ። ሁሌም ደስተኛ ሆነህ እንድትኖር
እመኝልሀለሁ። ግን ናፍቆትህን
አልችለዉምና ሞት እስኪያገናኘን ካላስቸገርኩህ ቢያንስ
በአመት አንድ ቀን መቃብሬ
አጠገብ እየመጣህ እንድታጫዉተኝ አደራ እልሀለሁ።
ተዉቤ እጠብቅሀለሁ።
አፈቅርሀለሁ።” ይላል።
.
ራሄል የፃፈችዉ ደብዳቤ ዉስጥ አንድም ሀሰት
አልነበረም። ግን ማነዉ ከሴቶች ጋር
ጓደኝነት መስርት ያለኝ? ሴትናወንድ መካከል ተፈጥሯዊ
መፈላለግ መኖሩ እንዴት
ጠፋኝ? ብሽቅ ነኝ።
ራሄልን እወዳት ነበር። ግን የወደፊት ህይወትን፣ ትዳርን
ሳስብ ሀይማኖታችን መለያየቱ
ትዝ አለኝ። እየወደድኳት አታዛልቀኝም በሚለዉ ሀያትን
መረጥኩ። እንጂ እኮ ራሄል
አጠገቤ ስትቆም በራሱ መላ ሰዉነቴን ነበር
የምትቆጣጠረዉ። እወዳት ነበር። የራሄልን
ደብዳቤ ጥብቅ አድርጌ ያዝኩት። በህይወት እያለሁ
ላልጥለዉ ለራሴ ቃል ገባሁ።
.
ይቀጥላል…

መንታ መንገድ ክፍል 10

መንታ መንገድ
ክፍል አስር

.
.
ከሀያት ጋር ከታረቅንና ለመጋባት ከወሰንን በኋላ
በአራታችን መካከል የነበረዉ የቀድሞዉ የጓደኝነት መንፈስ
ተመለሰ።
ከሀያት ጋር ኒካህ ለማሰር መወሰኔን ቀድሜ ደዉዬ
የነገርኩት ለሰዒድ ነበር። ለልብ ጓደኛዬ! የእዉነት እኔ
ሳይሆን እሱ የሚያገባ ያህል ነበር የተደሰተዉ። በነገራችን
ላይ እህቶቼ መርየምና ኢስራዕ ከኔ ጋር ያላቸዉ ቅርበት
ጨምሯል። ቢያንስ በሳምንት ሶስት ቀን ይደዉሉልኛል።
.
የሀያት እህት መግፊራ ደወለችልኝና “የክፍለ ዘመኑን
ምርጥ ዉሳኔ ነዉ የወሰንከዉ!” አለችኝ እየሳቀች። እሷም
እንደእህቷ ፍልቅልቅ ናት።
“የእህትሽን ባል እንዲህ ነዉ የምታናግሪዉ? አክብሪኝ
እንጂ!” አልኳት እየሳቅኩ። በዉሳኔያችን በጣም መደሰቷን
ነግራኝ አንዳንድ ነገሮችን አወራን።
እኔ የመጀመሪያ ስራ ብዬ ያቀድኩት እህቶቼን ከሀዩ ጋር
ማስተዋወቅ ነዉ። እነሱ ከወደዷት እናቴ ላይ በጣም
ተፅዕኖ ይፈጥራሉ። ለነገሩ ከእናቴ ጋር ቀረቤታም
ስለሌለኝ እነሱዉ ቢጨርሱልኝ ይሻላል። ለእህቶቼ
ዉሳኔዬን ነግሬ የሀያትን ፎቶ ቫይበር ላይ ላኩላቸዉ።
በፎቶ ወደዋት ሊሞቱ ምንም አልቀራቸዉም። ስልኳን
ሰጥቼያቸዉ ተዋወቋት። በዉሳኔያችን መደሰታቸዉንም
ነገሯት። ይህቺ የደስታናየሀዘን መግለጫ በመንግስታት
ብቻ ሳይሆን በግለሰብም ደረጃም አለች።
.
ከእህቶቼ ጋር በደንብ ካስተዋወቅኳት በኋላ ለአባቴ ደዉዬ
ነገርኩት። አባዬ “ኒካህ ማሰርህ ደስ ይለኛል ግን የልጅቷን
መልክ ብቻ አይተህ ከሆነ አይሆንም።” አለኝ። በሱ
የደረሰዉ በኔ እንዳይደገም ብሎ ይመስለኛል። እናቴ ቆንጆ
ናት ግን ምንም ስርዓት የላትም። ይኸዉ ህይወቱን ሙሉ
ስታቆስለዉ እና ሲደበድባት አለች። ከዚህ ቀደምም
ወደፊት ሳገባ ስነ ምግባሯ ያማረ ሴት እንድመርጥ
መክሮኝ ያዉቃል። እኔም ከሀዩ ጋር ያለንን ቅርበት ፣ ስነ
ስርዓቷን ፣ ሀይማኖቷ ላይ ያላትን እዉቀት ስነግረዉ
“እንደዛ ከሆነች መህር(ጥሎሽ) አንድ ሚሊየን ብር
ብትጠይቅህ ደስ እያለኝ እኔ እሰጥሀለሁ።” አለኝ። አባቴ
ስልኳን ወስዶ ሀያትን አወራት። የሀያት ቤተሰቦችም
ደዉለዉ ብዙ ነገር አወሩኝ። እንግዲህ መተጫጨቱ
ተጧጡፏል።
እናቴ ቅር እንዳይላት ብዬ ደወልኩና ኒካህ ለማሰር
ማሰቤን ነገርኳት። “ልጅቷ ከየት ናት?” አለችኝ አስቀድማ!
ሰዉ አሁን ብሔር ላይ ምን እንዲህ ያጣድፈዋል? ድሮም
እኮ እናቴ ሸሯ ይቀድማል። ግን ደስ የሚለዉ የሀዩ
ቤተሰቦችና የእናቴ ብሔር ተመሳሳይ ነበር። እንጂማ
አይሆንም ብላ ቀዉጢ ትፈጥር ነበር። አዲስ አበባ ታድጎ
እንዴት ብሔር እንደ ዋና መስፈርት ይታያል? ድድብና ነዉ!
.
የሀዩ እና የእኔ ቤተሰቦች እነ ሀያት ቤት ተገናኝተዉ ጉዳዩ
ላይ መከሩበት። ኒካህ ልክ ሴሚስተሩ አልቆ በመጣን
በሳምንቱ እንዲደረግ እና ትምህርታችንን እስከምንጨርስ
በየቤታችን እንድንኖር ወሰኑ። ይህ ሁሉ ነገር ሲካሄድ እኔና
ሀዩ ባህርዳር ነን።
.
ዉሳኔያቸዉን ስንሰማ ትዳር ምን ያህል ቤተሰብ የበላይ
ጠባቂዉ ሆኖ ሲደግፈዉ ደስ እንደሚል ተረዳን። ምናለ
ሁሉም በስሜት ተቃጥሎ ፍቅረኛ የሚሉት የዝሙት
መንደርደሪያ ላይ ከሚቆምና ቁልቁል ተንደርድሮ ዝሙት
ዉስጥ ከሚዘፈቅ ቤተሰብ አጋብቶ ራሳቸዉን ሲችሉ
አብረዉ መኖር እንዲጀምሩ ቢያደርግ? ማህበራዊ
ቀዉሱን በጣም መቀነስ ይቻል ነበር።
አሁን እኔናሀዩ ፈተና ጨርሰን ወደ ሸገር ስንመለስ ኒካህ
እናስራለን። ይሄ ማለት ሀዩ ሚስቴ ሆነች ማለት ነዉ።
ኒካህ ከታሰረ በኋላ ብስማት አሊያም ብተኛት ዝሙተኛ
አይደለሁም። ሚስቴ ነቻ! ግን በቤተሰቦቻችን ዉሳኔ
መሰረት ትምህርት እስከምንጨርስ የምንኖረዉ በየቤታችን
ነዉ።
.
ራሄል የሀያት እና የኔ ጉዳይ መስመር ሲይዝ ፤ ዘወትር
ካልተነጠፍንልሽ ከሚሏት ወንዶች አንድ ጨዋ የሆነ
እስክንድር የሚባል የነሱ ቸርች ልጅ ጋር የፍቅር ግንኙነት
ጀመረች። ከጎኗ የሲጃራ ፓኮ አዉጥቶ አንዱን የመምዘዝ
ያህል ነበር ያቀለለችዉ። ድሮም እኔን ብላ እንጂ እንኳን
የሱ ልትባል ቀርቶ አብሯት ስለቆመ የአደም ዘር በሙሉ
የሚኮራባት አይነት ዉብ ልጅ ነች። በርግጥ ትንሽ
ዉጥረቷን ለማርገብ እንዲረዳት ብላ እንጂ ልጁን
አፍቅራዉ አይደለም። እስክንድር የጓደኝነት ክበባችን
ዉስጥ ሲጨመር አምስት ሆንን። እስክንድር ተጫዋች
ነዉ። እኔ በጣም ተመችቶኛል። ኢኮኖሚክስ የሚያጠና
የሸገር ልጅ ነዉ።
.
ፈተና እንዳለቀ ወደ አዲስ ለመመለስ ተነሳን።
እንደተለመደዉ ሀጅራ ወደ ኮምቦልቻ በጠዋት ሄደች። እኔ
፣ ሀዩ ፣ ሪቾ እና እስክንድር ደግሞ አራት ሰዓት አካባቢ
ወደ አዲስ አበባ በረርን።
በረራዉ እንደተጀመረ ሀዩ ወደኔ ዞር አለችና “ለኒካሁ አንድ
ሳምንት አብሮ መኖር ለመጀመር አንድ አመት ከአንድ
ሴሚስተር ቀረን!” አለችኝ።
ገና ከአሁኑ ቀን መቁጠር መጀመሯ አሳቀኝ። ነገ አይንህ
ይበራል ቢባል ዛሬን እንዴት አድሬ እንዳለዉ አይነስዉር
ሆነችብኝ።
.
አዲስ አበባ በገባን በሳምንቱ እሁድ ቀን የኒካህ ዝግጅቱ
እንዲደረግ ተወሰነ። እኛ ቤት የድግሱ ዝግጅት ሰርግ ነዉ
የሚመስለዉ። ሞቅ አድርገዉታል። ገና ቅዳሜዉን ድንኳን
ደኩነዋል። ሴቶቹ ቤት ዉስጥ ግጥም እየገጠሙ ፣ ከበሮ
እየመቱ ጭፈራዉን ያስነኩታል። ሴቶቹ የሚገጥሙት
ግጥም ብዙዉን እኔን የሚያሞግስ ነበር። ከሰዒድ ጋር
ከሚጨፍሩበት ክፍል አጠገብ ትንሽ ቆመን ሰማናቸዉ።
መርየም ታወጣለች ሌሎቹ ይቀበላሉ።
“የወንድ ልጅ ሱሪ ፣ያልቃል ከጉልበቱ፣
አክረሜን አትንኩት፣ አንድነዉ ለእናቱ።
እንጀራዉን ጋግሩ ፣ በስሱ በስሱ
አክሩ እና ሀዩዬ ፣ እንዲጎራረሱ።” ይላሉ በየመሀሉ
ከበሮዉ ይደለቃል። ዜማቸዉ ቀልብን ይገዛል። የሚሏቸዉ
ግጥሞች እኔን ከማሞገስ ባለፈም ላላገቡት መልዕክት
የሚያስተላልፉ ነበሩ። ኢስራዕ እያወጣች ሌሎቹ
እየተቀበሉ
“በፌስቡክ በዋትስአፕ ፣ ከምትጀነጅናት፣
ምትወዳት ከሆነ ፣ ኒካህ እሰርላት።” ፈገግ አልኩና “ሰዒዶ
እኔ እንግዲህ ላገባ ነዉ ይሄ ላንተ ይመስላል።
ምትጀነጅናት ካለች መክረዉሀል።” አልኩት።
.
እኔ ከሰዒድ ጋር ለኒካሁ ቀን የሚያስፈልጉኝን አልባሳት
ገዛዝቼ ጨርሻለሁ። በተለምዶዉ ሙሽራዉ የኒካህ ቀን
ሙሽራዋን ወደቤቱ የማይወስዳት ከሆነና ከዛ በኋላ
በሰርግ ሊወስዳት ካሰበ ሙሽራዋ በኒካሁ ቀን ወደ ወንዱ
ቤት አትሄድም። እኛ ጋር ግን አባዬ ድግስ ስለደገሰና
እንዲደምቅ ስለፈለገ ሀያት መጥታ ትንሽ ድግሱን አድምቃ
እንድትመለስ አባቴ ከቤተሰቦቿ ጋር ተስማምቷል።
.
ኒካሁ ነገ ሊሆን ቅዳሜ ማታ ሁለት አሮጊቶች ድንኳኑ
ዉስጥ ቁጭ ብለዉ ያወራሉ። እኔ በድንኳኑ ጀርባ በኩል
ነኝ። አያዩኝም።
“ቆይ ልጁ መች ከሀያ አመት ዘለለ እና ነዉ ለጋብቻ
ያስሮጠዉ?” አለች አንዷ ሴትዮ
“ምን የዛሬ ልጆች ገና ቂጣቸዉን ሳይጠርጉ ነዉ ሚስት
ማለት የሚጀምሩት!” አለች ሁለተኛዋ አሮጊት!
ሳላስባንን በድንኳኑ በር በኩል እያለፍኩ አሮጊቶቹ እነማን
እንደሆኑ ተመለከትኩ። የአንዷ ልጅ ሳታገባ ዲቃላ
አንጠልጥላ ይዛባት መጥታ አሮጊቷ እያሳደጉ እንደሆነ
መርየም ነግራኝ ነበር። ታዲያ ምን ታድርግ ትዳርን
እንዲህ ቅዠት አድርጋ የምታሳይ እናት ካለቻት ሌላ
አማራጭ መፈለጓ አይቀሬ ነዉ።
ሁለተኛዋ ደግሞ ልጇ ብዙም ወጣ ያለ ባይሆንም ፍቅረኛ
እየቀያየረ ስሜቱን ሲያስታግስ የኖረ ነዉ።
አሁን የልጆቹ ዝቅጠት መነሻ ወላጆቹ መሆናቸዉ ገባኝ።
ገና ስለ ትዳር ሲነሳ የሆነ ሆረር ፊልም አድርገዉ
ያሳዩሀል። አንተ መወጣት የማትችለዉ የሀላፊነት መዓት
የተደረደረበት መጋዘን አድርገዉ ይነግሩሀል። ምንም ደስታ
የሌለበት የችግር መሰረት አድርገዉ ይስሉልሀል። ግን
እዉነታዉ ይሀ አይደለም። ትዳር ተፈጥ

ሯዊ ተቋም ነዉ።
የሰዉ ልጅ ስሜት በተፈጥሯዊ መንገድ መርካት አለበት።
ለዚህ ደግሞ ትዳር የመጀመሪያዉ እና የመጨረሻዉ
አማራጭ ነዉ። ይሄ ተቋም በቀላሉ እንዲመሰረት ወላጆች
ልጆቻቸዉን ሊያግዙ ይገባል። አሁን ግን ትዉልዱ የትዳርን
በር ጠርቅሞ የዝሙትን በር ከበረገደዉ ቆይቷል።
የተዘጋዉ በር ሊከፈት ግድ ይላል!!
.
በነጋታዉ አምስት ሰዓት አካባቢ ወደነሀያት ቤት ሄድን።
ኒካህ ስለሆነ ግርግር አላበዛንም። በሶስት መኪና ነበር
የሄድነዉ። ሰዒድም ከኛ ጋር መጥቷል። እነሀያት ቤት
ስንደርስ የሴቶቹ ጭፈራ ለጉድ ነዉ። መድረሳችንን
ሲያዉቁ ደግሞ ጭፈራዉን የበለጠ አደመቁት። ቤተሰቦቿ
በር ላይ ወጥተዉ ተቀበሉንና ወደ ዉስጥ ገባን። የሴቶቹ
የጭፈራ ድምፅ ይሰማኛል። እዚህ ደግሞ ሀዩን እያሞገሱ
እኔን ይነቁራሉ። ስገምት መግፊራ ትመስለኛለች አሊያም
ሌላ ሰዉ የሚያወጣዉ እንዲህ አሉ
“ለምነህ ለምነህ ፣ተሀጁድ ሰግደህ
እንዲሁም አልቀረህ ሀዩን አገኘህ።” ተሀጁድ በለሊት ሰዉ
በተኛበት የሚሰገድ ስግደት ነዉ።
ነቆራቸዉን ቀጠሉ
“ነጭ ትለብሳለች ፣ ነጭ ትወዳለች
እዉነት ለመናገር ትቦንሰዋለች።
እንቁላል ቢሰበር እንቁላል ይተካል፣
የኔማ ሀዩዬ ፣ አይኗ ብቻ ይበቃል።”
“ሰዒድ እየሳቀ ኧረ በግጥም ወረዱብን እኮ!” አለኝ።
“ሀዩን ሊሰጡንማ ቢገርፉንም እንችለዋለን።” አልኩት
እየሳቅኩ።
.
ገብተን ትንሽ እንደተቀመጥን የኒካህ ዝግጅቱ ተጀመረ።
በሀይማኖታዊ ስርዓቱ መሰረት የጋብቻ ንግግር በሀይማኖት
አዋቂ ተደርጎ ሀያት ጥሎሽ የምትጠየቅበት ሰዓት ደረሰ።
ለወጉ ሁለት ሺህ ብር አለች። ወዲያዉ ጥሎሹን ሰጥተን
የጋብቻ ወረቀቱ ላይ ተፈራረምን። ሀዩን አገባኋት። ልክ
ሀያት ያለችበት ክፍል ወረቀቱ ተልኮ ስትፈርም ሴቶቹም
ግጥማቸዉን ሁለታችንንም የሚያወድስ አደረጉት
” ከዚህ እስከመስጂዱ ወርቅ ይነጠፍበት፣
አክረምና ሀዩ፣ ይመላለሱበት።
ጥቁር ይወዳሉ ጥቁር ይለብሳሉ፣
ለሀቁ ከሆነ ይመጣጠናሉ።” በድቤ ታጅቦ በሴቶቹ ዉብ
ድምፅ ይቀለፃል። ከሁሉም ያሳቀኝ ግጥም
“ግቢያችሁን እጠሩት ዳር ዳሩን አጥር፣
እስከአሁን ፆመሀል ከእንግዲህ አፍጥር።” የሚለዉ ነዉ።
እስከአሁን ፆመሀል ያሉት ከሚስት ጋር ሊደረጉ ከሚችሉ
ነገሮች ሁሉ ነዉ። እና ይኸዉ በሀዩ አፍጥር(ፆምህን
ግደፍ) ማለታቸዉ ነዉ።
.
ቤተሰቦቿ ሀዩን ለኔ መፍቀዳቸዉን ለማብሰር ግንባሯን
እንድስማት እሷ ወዳለችበት ክፍል ይዘዉኝ ሄዱ። ሀዩ
በጣም ተዉባ በሚያማምሩ ሴቶች ተከባ ተቀምጣለች።
ራሄልም አብራት ነበረች። ሚዜ አይደለችም ግን ሀዩን
አጅባ ተቀምጣለች። ዛሬ ሪቾዬን ባገባ በጣም ደስ ይለኝ
ነበር። ሳያት አሳዘነችኝ። እኔን የምታጣበት ድግስ ላይ
መገኘቷ ግርም ብሎኛል። ምን አይነት መቻል ይሁን ፈጣሪ
የሰጣት? እስክንድር ጉዳይዋ እንዳልሆነ በደንብ
አዉቃለሁ። አይኗን ከኔ ለማዞር እንዲያግዛት ነዉ
የተወዳጀችዉ። ሪቾን ሳላስባንን አየኋትና የሀዩን
የአይንእርግብ ገልጬ ግንባሯን ሳምኳት። ሴቶቹ
እልልታዉን አቀለጡት። የማህበረሰቡን እሴት ስትጠብቅ
ወላጅ እንዲህ እልል እያስባለ ልጁን ያስምሀል።
.
ይቀጥላል…